Day 350 : 新鄰居

喺呢間屋會住多一個星期，
尋日知道隔離間單人房租咗出去，
話咁快今日已經住入黎-_-
換言之呢個星期間屋會多一個人，
share廚房同廁所，當然仲要空間。

點解咁強調空間？
因為大陸人對私人空間呢樣野好似無乜概念，
會分享係好，
但我同你都係俾租金share間屋，
大家又唔係冇得計較嗰種朋友，
分清楚d都好應該。

即係大家應該各自有一part既公共儲物空間係for唔同既party，
例如雪櫃某兩格係A，另外兩格係B，
咁食物又唔會混亂，都唔知係我買定你買，
整理又方便d，起碼我執好晒知道仲有幾多位可以用。

點解我咁大反應呢，
就因為呢個女仔黎度二話不說就將d野放晒係我尋日執好嗰格，
然後我其實無乜位可以用，咁我執黎做咩。
然後帶黎d醬油都放晒係我地個架上面…
重點係無問過。

佢地既concept係大家都可以用所有地方，d野周圍攤，
有位既，你都可以一齊攤，唔會計較，但唔會留d位俾你。
所以當初就係因為完全無位放野，特登叫佢地俾返少少位我地。
或者係我麻煩啦，
但我覺得大家三唔識七，只係俾咗份租住埋一間屋，
d野撈到亂晒唔係咁好囉。
以前住宿，都一人一個衣櫃、一張書檯，
係熟咗之後d野先亂咁擺ja ma。