Day 320 : 罷工

又係罷工?!

無錯。耐咗，會發現罷工對西方人來說好普通，而且唔會有市民反對。
因為罷工往往係要爭取工人權益。如果要爭取一啲野，要發聲，但一啲影響都無，係唔會有人留意，唔會有人在乎。

今次係Dublin Bus罷工，今日聽日同埋15、16號兩個weekend。Weekend無巴士搭對市民其實都幾大影響。Dublin唔同香港，唔會話無巴士可以用小巴、地鐵代替。於是住在遠離市中心的我們，要出市中心，一係搭的士，一係行路，或者行20分鐘去Luas站再搭半個鐘車出去。

係有影響既。但係一個發聲既機會，比起一時三刻的唔方便，重要得多。呢個道理，唔知有一班香港人幾時先明。

今次罷工係反對Dublin Bus私有化。嗯，我支持呀。你睇香港地鐵？仲有領匯？所有公共服務私有化，都似乎只係可以節省政府開支，仲會益咗大財團，對於小市民其實無著數。