Day 330 : 唔夠訓

尋晚兩點幾先返屋企，三點先訓。
唔知係咪太興奮，成晚都唔係好訓到。
知道今日無車返工，本身想早d起身搭巴士，
結果都係繼續訓。
好彩早咗少少出門口，岩岩趕得切有司機經過=)

雖然唔係好夠訓，但都ok既。
可能其實而家日日都訓得夠8、9個鐘，
一日半日少d都其實有6個鐘，
又唔會好似香港咁訓少d會想死。

但今日真係無乜動力，
想hea下休息下。
（嗯，最好就日日都放假）

而家淨係想快d過埋呢四個week，快d去旅行。
係囉，你話時間幾快過，
得返4個星期，又就快一年。
其實都已經適應咗呢度，
一切既衣食住行都好似已經搵到自己既一套方式，
唔會再覺得徬徨，
仲習慣咗不停的出入境、搭飛機XD