Day 161 : St Stephen's Green christmas market

今日Lunch試咗雞肉餃子真係唔錯=)

一早起身想洗衫，見到個洗衣機打無開門又無開機以為用得，原來入面有野。ok，咁我擺籃衫出嚟示意我排緊隊，煮lunch先啦。點知隔咗半個鐘，到我食完喇，佢先出嚟，望一望我個籃，然後換過d衫放入去，開機。ok，我等。我落街行咗四個鐘，返到去竟然仲洗緊！平時一機都係洗一個鐘左右，我唔知佢到底洗咩…結果我一共等咗七個鐘，到我食完dinner先有得用。我睇唔透。

今日去咗St Stephen's Green christmas market，其實只有一條街咁長，好細，但個feel有少少似我地年宵花市，咩都有得賣，仲有好多食物檔，好香好吸引。一路會開到12月22日，夜晚都有，weekend到10點。

特登行到D2睇呢個christmas market，之後順便行吓D2先有既商店，睇吓聖誕product，真係好靚=)一路行一路物色一對無咁易濕水嘅毛毛鞋，呢邊冬天真係有dd凍，而我主要凍係腳掌，真係要毛毛鞋先夠暖。終於，都係要返D1先搵到對價錢合理又見得人既款，唔貴就梗係快快手買咗啦……又破費了。之後趁boots仲減緊價，買定兩盒泡泡染髮劑待用，雖然搬屋先買既又要搬多d，但遲d就會貴，所以都係買咗先！