Day 153 : 再戰生蠔

天氣報告話聽日會落雨，所以我決定今日始終都係要去一去Howth。第三次去Howth，自己一個，點知去到過咗平時個站竟然都冇人落車，我趁上山之前最後一個站即刻禁鐘，之後就好多人跟住落車=_=所以順便上咗堤霸吹吹海風，行咗1/3都冇，勁大風好凍，折返，去搵海獅但今日無見到。

天陰陰，但好多鳥，假期都係要離開市中心兜個圈輕鬆下。有靚景梗係即刻Line video俾阿爸阿媽睇啦，點知部電話身子弱，吹兩吹同我熄咗機，上巴士暖返先開到。之後去咗買生蠔，平咗呀！€0.5就有一隻，買咗一打！順便買返把蠔刀，又見到d青口好抵，€2.95買咗1KG＝P

骷髏骨潛水人

買完就開始落雨，仲要係傾盆大雨-_-避雨又買多咗半打生蠔:D好快就返city喇，因為我要返去整羅宋湯，結果變咗牛肉雜菜湯，唔知邊度有問題，anyway係好味既。

煲落湯都唔休息得，因為原來洗青口係好難架！我本來想煮先拎出嚟，但心血來潮上網睇要點處理，結果……原來青口個殼好多野痴住，結果1kg洗咗個幾鐘，應該都有廿幾隻。反而生蠔易開好多。

未洗的一半

洗乾淨的另一半

生蠔晚餐