Day 138 : 萬聖節打邊爐

T_T 尋日又做錯嘢，掉轉咗兩張單入兩疊錢……今日要執手尾。點知！差不多完成之際又發現自己又做錯嘢，今日係將成張單入錯錢落另一邊……結果要重新點算一次，遲咗半個鐘先食飯。

今日俾晒我打兩條route，然後自己入電腦，我覺得進度良好架。點知有個普通話客(係，又係普通話累事)，要豆豉兩罐，我聽到豆豉涼瓜……比起尋日cut咗個客線，今日都已經算小事。

放工去咗同事屋企打邊爐，超級豐富，仲又食又拎=P真係應有盡有，連估唔到會有嘅都有。11點幾先返到市中心，今晚超級多鬼，經過Temple Bar真係好熱鬧，可惜無帶相機又唔敢拎電話出嚟。下次都係要記得隨身帶相機。

等房東收信等咗成個星期，終於忍唔住要問佢拎鎖匙。痴線，成疊信都唔攞，郵差就嚟派唔到信。終於都收到我個鏡頭蓋=)