Day 137 : 原來今日出糧

返第四日工喇=)

尋日有自己account喇，不過好多都未set好，同IT傾咗15分鐘慢慢搞，我竟然聽得明英文XDD

上晝自己拆一條Route，好慢-_-遲d做2－3條都唔知點算，會唔會連Lunch都無得食架……

下晝又試打電話落單，都係我手寫。今日好簡單呀，d客都好好，但我d普通話真係激死d客XD仲有一個，傾傾下唔小心俾我拉鬆咗條電話線，cut咗個客線，個客打返嚟我又無pick到，好彩佢無鬧我咋>_<但我地笑到傻咗@@

今朝聽到佢地講今個星期份糧，本來想lunch問吓係點，但唔記得咗。打打下電話account同事就拎咗份錢喺我面前，好感動T_T返到屋企拆開，比我想像中多，其實係因為今個星期一bank holiday計多日，但我真係唔係好明d稅係點樣，只係見到扣咗一日人工咁多既稅。希望走嗰陣真係退得返。

放工有同事車我出市中心所以好早可以返到屋企，仲話雖然平時唔可以車我出市中心，但返工就可以順路係市中心車我返去。咁就可以慳好多時間同腳骨力。真係好好。