Day 310 : 依賴症

今日食lunch傾起大家既另一半，
原本係講緊其中一個另一半會煮飯係唯一功能，
然後發現其他人既另一半都係咩都唔會做，
最多係洗下碗。
於是，佢地好羨慕我有個會幫我處理所有文件事務既另一半XD
原來大家都係自己搞book車票、住宿或者其他申請文件嗰d
而我呢？次次起咗個頭，覺得煩就放係度，
好似細個做功課咁，會有人幫我執手尾XD
返到屋企，諗諗下，
發現以前自己唔係咁，所有野都會一手一腳整理好晒，
甚至以前會幫人做妥晒d野。
唔係無人幫，要人幫既一定有好多人願意幫，
但講到底都係唔放心交俾其他人做。

所以話，依賴症呢樣野，其實係縱出嚟。


聽日就出發去玩，
無乜點交低d野俾人，都係手板眼見功夫。
希望呢四日唔會俾人發現我工作上有d咩甩漏-_-