Day 97 : 染髮

終於實行自己的染髮大計第一步，換了個明顯少少的髮色。今次用的是John Frida的泡泡染髮劑，價錢比一般的貴，不過自己染，用泡泡效果會好一點。洗完頭以為完全沒效果，幸好吹乾了頭之後頭頂髮根就完全看得出來，但髮尾還是有點不上色。

之後修剪一下髮尾，再用打薄剪修輕了一點，不敢太重手，雖然完全不覺得有效，但真的剪了很多出來。



煲了剩餘的湯包，煮了碗飯。對上一次沒有用電飯煲煮飯，已經是十幾歲還在返童軍，去露營的時候。還算成功，只是有點黏底，比較難洗。我不是無聊搵野搞，只是迫上梁山。話說房東夫婦又用電飯煲入面個鍋做其他野，仲放埋入雪櫃。我都係搵啖飯食吓啫。

終於收到了媽媽寄來的小郵包，都是我的保品。還有我的救命藥，唔講都有寄，我覺得阿媽真係好醒目。偏頭痛真係唔講得少，都係覺得有多少少傍身安心好多。